Autoría: Alberto Ramos
Ano: 2023, Cuarto de inverno
Cita:
“DR. SANROMÁN: Calculo que o ingreso durará tres semanas, un mes como moito.
ELA, A NAI: [Sen que ninguén conteste] Penseino mellor, non quero ir.
MARCOS: Comprendo, doutor.
DR. SANROMÁN: Como nos dous ingresos anteriores a resposta farmacolóxica non foi satisfactoria, aplicaremos a terapia electroconvulsiva xa de entrada.
ELA, A NAI: [Sen que ninguén conteste] Iso aféctame para a memoria. Non quero esquecer nada.
MARCOS: E cando comezarían coas sesións?
DR. SANROMÁN: En canto haxa un oco libre nos quirófanos, talvez a semana que vén.
ELA, A NAI: [Sen que ninguén conteste] E non poderemos intentar outra cousa antes dos chispazos? Non quero volver a iso.
MARCOS: E con que frecuencia as tería?
DR. SANROMÁN: Hai que velo, pero supoño que días alternos durante a semana.”
Máis información: Cuarto de inverno
